Nëse ndiheni pak xheloz në marrëdhënien tuaj, ne po ju ndihmojmë me disa këshilla që duhet t’i merrni parasysh!

Xhelozia është një nga ato emocione që është jashtëzakonisht e vështirë për t’u kontrolluar. Pak xhelozi është e dëshirueshme në një lidhje, sepse është ajo që ju bën të vlerësoni dhe mbroni më shumë të dashurin tuaj. Megjithatë, kur gjërat dalin jashtë kontrollit, mund të shkatërrojë shumë lehtë marrëdhënien që keni krijuar dhe të shtrembërojë mendjen tuaj. Këto janë tre këshilla si mund të kontrolloni xhelozinë…

Përqendrohuni te vetja, jo te partneri juaj!

Mënyra më e mirë për të hequr qafe xhelozinë është të shikoni veten dhe jo partnerin tuaj. Shpenzimi i energjisë në përpjekjen për të kontrolluar veprimet e një personi tjetër është rraskapitëse dhe zakonisht e kotë në fund. Përqendrohuni që ta bëni jetën tuaj më të pasur dhe më të plotë, në mënyrë që xhelozia të mos ju pushtojë.

Vendosni kufij të qartë në lidhjen tuaj!

Duhet të ketë kufij të përcaktuar qartë në çdo marrëdhënie. Nëse ka një marrëveshje mes jush që të mos ‘shikoni’ personat e seksit të kundërt kur jeni në publik, duhet t’i përmbaheni të dy. Kjo do t’ju kursejë shumë skena dhe bezdi. Nëse nuk thoni atë që ju shqetëson, partneri juaj mund të mendojë se po pranoni një formë të caktuar të sjelljes së tij.

Zbuloni se çfarë nxit xhelozinë!

Ky është një hap i rëndësishëm sepse mund t’ju çlirojë në masë të madhe nga xhelozia në të ardhmen. Partneri juaj e lë telefonin në tavolinë kur shkon në tualet apo e mban me vete? Keni akses në rrjetet e tij sociale apo janë të gjitha me fjalëkalime sekrete? A ka ai një ish-të dashur me të cilën herë pas here shoqërohet pa ju? Me pak fjalë, a ju jep një arsye për të qenë xheloz. Nëse përgjigja është ‘JO’, atëherë ndaloni.  Largoni xhelozinë dhe kënaquni. Nëse keni arsye të dyshoni se diçka nuk është në rregull, bisedoni me të. Kjo do të jetë shumë më efektive.