Kaloni gjysmën e jetës të shtrirë në krevat, kështu që e mira është të dini arsyet pse duhet ta ndërroni dyshekun tuaj!

Marisa Karabeci
14/12/2021

Dyshekët janë një nga ato gjëra që zakonisht nuk i kushtojmë vëmendje apo nuk investojmë. Por sipas një sondazhi, ne kalojmë gati gjysmën e jetës sonë të shtrirë në krevat. Duke marrë parasysh këtë, ne duhet të fillojmë të mendojmë për rëndësinë e të pasurit një dyshek të mirë për të fjetur veçanërisht pasi shtretërit luajnë një rol të madh në mirëqenien tonë. Mësoni në këtë artikull se pse dyshekët kanë rëndësi dhe pse investimi në to vlen çdo qindarkë.

1.Dyshekët kanë një jetëgjatësi të kufizuar.

Sipas ekspertëve, dysheku tipik ka një jetëgjatësi mesatare prej 8 vitesh. Dyshekët “latex” zakonisht vijnë me një garanci 20 deri në 25 vjet. Ndërkohë, dyshekët “memory foam” me cilësi të mirë mund të zgjasin për 10-15 vjet me kujdesin e duhur. Dyshekët “Hybrid” kanë qëndrueshmëri më të ulët dhe zakonisht duhet të ndërrohen pas 6 vjetësh. Dyshekët “Waterbeds” jetojnë nga 5 deri në 10 vjet.

2.Një dyshek i konsumuar mund të prishë gjumin e mirë të natës dhe të ndikojë në shëndetin tuaj.

Me kalimin e kohës, forma e dyshekut do të ndryshojë dhe do të tregojë shenja konsumimi. Përshembull, mund të keni vënë re se ka rënie në qendër ose në pjesën ku është përqendruar pesha. Kur dyshekët fillojnë të humbasin aftësitë e tyre mbështetëse, ata mund të shkaktojnë parehati. Përveç ndjenjës së lodhjes, gjumi i cilësisë së dobët mund të çojë gjithashtu në probleme shëndetësore, duke përfshirë obezitetin dhe sëmundjet e zemrës.

Një dyshek i keq gjithashtu mund të shkaktojë ngurtësi të muskujve dhe dhimbje të trupit. Nëse e gjeni veten pas zgjimit të lodhur dhe ndjeni dhimbje rreth qafës apo shpatullave (dhe jeni të sigurt se nuk është nga një dëmtim), dysheku juaj mund të jetë fajtori.

3.Dyshekët janë një strehë për insektet dhe alergjenët.

Një studim zbuloi se dyshekët kanë përqendrimin më të lartë të merimangave të pluhurit midis të gjitha sendeve shtëpiake dhe këto baktere shumohen me shpejtësi me kalimin e kohës. Myku dhe insektet që janë strehuar në dyshek mund të shkaktojnë gjithashtu alergji ose të përkeqësojnë simptomat e astmës. Ekspertët sugjerojnë se nëse vëreni se reaksionet tuaja alergjike përkeqësohen, mund të jetë një shenjë se keni nevojë për një dyshek të ri.

4.Kur shtrati juaj bën shumë zhurmë, merreni si thirrje për ndihmë.

Nëse dysheku juaj bën zhurmë, kjo do të thotë se dysheku nuk është në gjendje të mirë. Zhurma është një shenjë se  ato nuk janë aq efikase në përgjigjen ndaj presionit dhe lëvizjes.

5.Këshilla se si të zgjasni jetëgjatësinë e dyshekut tuaj…

1.Rrotullojeni dyshekun çdo 3-6 muaj në mënyrë që të balancohet në të dyja anët.
2.Ndiqni udhëzimet e pastrimit të dhëna nga prodhuesi.
3.Hapni dritaret e dhomës së gjumit për ajrosje më të mirë dhe ajrosni rregullisht dyshekun tuaj.
4.Pastrimi i dyshekut mund të ndihmojë gjithashtu në reduktimin e alergjenëve dhe merimangave të pluhurit.

Më shumë