Po kërkoni të hiqni kilogramët e padëshiruar nga trupi?! Mirë e bëni por fillimisht bëjani vetes këto pyetje!

Fillimi i një diete është gjithmonë një zgjedhje e vështirë sidomos nëse kilogramët për të humbur janë 5 ose më shumë. Duhet të mendojmë me kujdes dhe t’i bëjmë vetes një sërë pyetjesh, për të mos rënë pre e dekurajimit dhe ndjenjës së dështimit për të arritur plotësisht qëllimin që i kemi vënë vetes. Niseni me këto pyetje:

1.Si arrita këtu?

Pyetja është e pashmangshme kur përballemi me peshoren dhe përgjigja e saj na shqetëson. Nëse është një seri e gjatë momentesh të lumtura në shoqëri, në të cilat kemi shijuar ushqim të mirë dhe komoditet, mos u shqetësoni. Një regjim i mirë, i balancuar dhe detoksifikues do të na kthejë në rrugën e duhur. Nëse, nga ana tjetër, kemi vetëm mbrëmje para televizorit duke gllabëruar pako të tëra biskota, nuk është aspak mirë. Përveçse të hamë më pak, duhet të gjejmë disa aktivitete argëtuese që na japin kënaqësi për të na mbajtur larg ushqimit.

2.Pse dua të humbas peshë?

A e kërkon shëndeti im apo thjesht dëshira për të veshur një fustan të bukur? Të dyja arsyet janë të vlefshme: të ndjerit mirë dhe të qenit bukur janë dy arsye të shkëlqyera për të rishikuar dietën tonë.

3.Çfarë kuptimi i atribuoj ushqimit?

Ndonjëherë na duket se të ngrënit është e vetmja gjë që na jep gëzim. Nëse frigoriferi është forma jonë kryesore e rehatisë, nuk ka dietë që të përshtatet: mund ta mbajmë për pak kohë, por nuk kemi shpëtim. Ne gjejmë forma të tjera kënaqësie (miq, punë, aktivitete interesante) dhe i kthejmë ushqimit rolin që meriton: është ai që na mban dhe na jep energji, mund të jetë një kënaqësi, por asgjë më shumë.

4.A mund të përcaktoj qëllimet e mia?

Zakonisht, kur mbani një dietë, qëllimi është të bini disa kilogramë. Por kini kujdes: në përgjithësi të kesh qëllimin për të humbur peshë nuk është plotësisht efektive. Ju mund të humbni peshë thjesht duke eliminuar lëngjet e tepërta, por këto janë kilogramë që rifitohen shumë lehtë. Për të humbur peshë duhet të humbni masën dhjamore dhe kjo arrihet vetëm duke pakësuar kaloritë dhe duke djegur më shumë me lëvizje. Kjo gjë kërkon kohë dhe durim për t’u dobësuar pikërisht aty ku do të dëshironit. Prandaj, është më mirë të vendosni synime specifike, si përshembull të humbni një kilogram në javë.

5.Vetëm apo me një specialist?

Një gjë është të propozosh të heqësh tre ose katër kilogramë, një tjetër është të humbësh 10 ose më shumë. Në rastin e parë mjafton të pakësojmë porcionet dhe të bëjmë aktivitet fizik, në të dytin është një rrugë më komplekse që kërkon drejtimin e një specialisti që do të na ndihmojë të humbasim peshë dhe njëkohësisht të korrigjojmë zakonet tona të të ngrënit.

6.Cila është dieta më e mirë për mua?

Është e kotë të fillojmë papritur kur jemi mësuar me vakte të bollshme. Më mirë kërkoni këshilla nga një specialist, i cili mund të na mësojë se si të përballemi me situatat që hasim më shpesh, pa prishur zakonet tona.

7.A jam i/e gatshëm të luajë sport?

Një aktivitet i shëndetshëm fizik është shumë i dobishëm nëse duam të humbim disa kilogramë. Lëvizja do të na ndihmojë gjithashtu të tonifikojmë muskujt dhe indet të cilat, në fund të dietës, mund të duken të tharë dhe të dobët. Një dietë është gjithashtu një mundësi e shkëlqyer për të rishikuar të gjithë stilin tonë të jetesës, në favor të zakoneve më të shëndetshme. Një shëtitje e mirë me një ritëm të shpejtë prej të paktën 30 minutash në ditë mund të na ndihmojë shumë.

8.Po sikur të mos mundem?

Çdo rrugë është e mbushur me pengesa dhe rënie të mundshme, por nëse nuk përpiqemi, nuk do t’ia dalim kurrë. E rëndësishme është të mos ndihemi fajtorë, të falim veten pa u ndjerë të dështuar dhe të vazhdojmë aty ku e lamë.

9.Çfarë do të mendojnë të tjerët?

Ata nuk do të mendojnë asgjë, përveçse të na admirojnë për vendimin dhe guximin. Të jesh në dietë nuk do të thotë të heqësh dorë nga shoqëria: mjafton që kur hamë së bashku të mësojmë të zgjedhim ushqimet që mund të përballojmë dhe që janë ende të kënaqshme. Një vakt më i bollshëm, gjatë javës, mund të kompensohet dhe “rikuperohet” mjaft lehtë.

10.A është një sakrificë apo një mjet?

Të mendosh vazhdimisht se jemi në dietë e bën më të vështirë ndjekjen e saj. Mënyra se si i qasemi dietës sonë mund të jetë çelësi i suksesit ose dështimit, ta jetosh atë si një mjet për të marrë një rezultat dhe jo si një sakrificë të kushtueshme, është hapi i parë drejt suksesit.