Uji është gjëja e fundit që ju shkon në mendje të konsumoni?! Nëse po, atëherë mësoni rreziqet shëndetësore!
Njerëzit që nuk pinë ujë të mjaftueshëm çdo ditë po rrisin shanset e tyre për një sëmundje vrasëse. Shkencëtarët u bëjnë thirrje njerëzve që të konsumojnë 6 deri në 8 gota çdo ditë në mënyrë që të shmangin rrezikun e mosfunksionimit të zemrës. Problemet me zemrën ndodhin kur zemra nuk është në gjendje të pompojë gjakun rreth trupit siç duhet, zakonisht sepse është dobësuar ose e ngurtësuar. Është një gjendje afatgjatë, që zakonisht përkeqësohet me kalimin e kohës. Dr.Natalia Dmitrieva, autore kryesore e një studimi të ri tha se:
Ngjashëm me reduktimin e marrjes së kripës, pirja e mjaftueshme e ujit dhe qëndrimi i hidratuar janë mënyra për të mbështetur zemrën tonë dhe mund të ndihmojnë në reduktimin e rreziqeve afatgjata për sëmundjet e zemrës.
Dr.Dmitrieva, një studiuese në Institutin Kombëtar të Shëndetit të SHBA-së, drejtoi një ekip që studioi pothuajse 12,000 të rritur amerikanë të moshës nga 45 deri në 66 vjeç. Ata nuk kishin probleme me zemrën, diabet apo obezitet në fillim të studimit. Rreth 1,366 (11.56%) më vonë zhvilluan insuficiencë kardiake, e cila është më e zakonshme me moshën. Ekipi vlerësoi nivelet e natriumit në gjak, të cilat rriten kur nivelet e lëngjeve të dikujt janë të ulëta. Diapazoni normal i natriumit është midis 135 dhe 146 miliekuivalente për litër.
Por personat me një nivel prej rreth 143 mEq/L në moshën e mesme kishin një rrezik 39% më të lartë të problemeve me zemrën, krahasuar me ata me nivele më të ulëta. Për çdo 1 mEq/L rritje të natriumit nga diapazoni normal, gjasat për një diagnozë u rritën me 5%. Të dhënat treguan gjithashtu se 70-vjeçarët me një nivel natriumi prej 143 mEq/L kishin 62% më shumë gjasa të zhvillonin hipertrofinë e ventrikulit të majtë, trashje të zemrës.
Gjetjet e hershme sugjerojnë se hidratimi i mirë mund të ndihmojë në parandalimin ose ngadalësimin e përparimit të ndryshimeve brenda zemrës. Lëngjet, qoftë uji apo çaji, janë thelbësore për një sërë funksionesh trupore, për të pompuar gjakun në mënyrë efikase.
Qëndrimi i hidratuar është thelbësor për të mbështetur funksionin e enëve të gjakut dhe rrjedhimisht qarkullimin. Për t’u kujdesur për zemrën, ekspertët rekomandojnë ushtrime të rregullta, mospirjen e duhanit, konsumin e moderuar të alkoolit dhe kafeinës dhe një dietë të shëndetshme. Ushqimet e kripura, me sheqer dhe me yndyrna duhet të kufizohen.
Terapia japoneze e ujit është praktika e pirjes së disa gotave uji në temperaturë dhome që në mëngjes. Kjo terapi inkurajon një praktikë të rreptë të të ngrënit prej 15 minutash, me pushime të gjata midis vakteve dhe ushqimeve. Ndërsa disa njerëz raportojnë se ky zakon ka përmirësuar disa aspekte të shëndetit të tyre, shumë pyesin nëse është një mjet efektiv për humbjen e peshës.