Thuajini ‘JO’ gotës së qumështit para gjumit!

Marisa Karabeci
14/04/2022

Para kohës së gjumit mund të hash ushqime të lehta që ndihmojnë gjumin, si ushqimet që ndihmojnë në eliminimin e yndyrës. Po një gotë qumësht?! Qumështi konsiderohet një burim i shëndetshëm, i pasur me proteina dhe kalcium, por ka një problem. Një gotë qumësht para gjumit ka përmbajtje të lartë laktoze (sheqeri kryesor që gjendet te qumështi.) Laktoza prodhohet nga qelizat e mukozës së zorrës së hollë dhe e zbërthen qumështin në dy forma të thjeshta sheqeri: glukozë dhe galaktozë, të cilat thithen në gjak.

Përmbajtja e lartë e laktozës, shpesh shkakton edhe probleme me sistemin tretës. Pra, nëse je intolerant ndaj laktozës, duhet me çdo kusht ta shmangësh gotën e qumështit para gjumit. Intoleranca nga laktoza është paaftësia për të tretur sasi të caktuar laktoze, sheqeri kryesor që gjendet te qumështi. Jo të gjithë njerëzit që kanë mungesë të laktozës kanë simptoma, por ata që kanë, quhen intolerantë të laktozës.

Njerëzit ndonjëherë ngatërrojnë intolerancën e laktozës me intolerancën e qumështit të lopës, sepse shpeshherë simptomat janë të njëjta, por nuk do të thotë që këto lloj intolerancash janë të njëjta. Njerëzit me insuficencë (sasi e pamjaftueshme) të laktozës për të tretur laktozën që ato konsumojnë mund të kenë shumë shqetësime. Shenjat që shfaqen përfshijnë të përziera, dhimbje, fryrje abdominale, diarre.

Të gjithë ne jemi rritur duke dëgjuar përfitimet dhe të mirat që sjell konsumimi i qumështit. Aq shumë janë, sa për shumë prej nesh, pirja e tij ishte si ritual dhe pa dozë. Përpos dozës, problemi qëndron tek koha e duhur se kur duhet konsumuar në mënyrë që përfitimi të jetë maksimal.

Siç rezulton, qumështi mund të përdoret përtej kuzhinës. Mund të bëhet zgjedhja juaj për të luftuar kundër ftohjeve apo edhe të pastroni mobiljet dhe këpucët prej lëkure. Përdorimet alternative të qumështit mund të jenë vetëm ato që ju nevojiten për trupin tuaj, flokët, madje edhe t’ju ndihmojnë në punët tuaja të përditshme.

Më shumë