Adhuroni patatet e skuqura?! Epo, ndoshta duhet t’i hidhni një sy studimit më të fundit!

Luigi Fontana, një nga autorët e studimit nga Shkolla e Mjekësisë e Universitetit të Brescias në Itali dhe ekipi i tij erdhën në këto gjetje pasi analizuan të dhënat nga më shumë se 4,400 të rritur në Shtetet e Bashkuara për një periudhë 8-vjeçare. Në SHBA, si në shumë vende të tjera, patatet janë një element kryesor i ditës, veçanërisht në format e përpunuara. Sipas Departamentit të Bujqësisë së Shteteve të Bashkuara (USDA), patatet e përpunuara, duke përfshirë patate të skuqura dhe patatina, përbënin 64% të përdorimit total të patates në vend gjatë viteve 2000, krahasuar me vetëm 35% në vitet 1960.

Ndërsa patatet mund të jenë pjesë e një diete të shëndetshme, disa studime kanë treguar se konsumimi i tyre në masë mund të përbëjë rreziqe për shëndetin. Një studim i vitit të kaluar, përshembull, zbuloi se ngrënia e katër ose më shumë racioneve me patate çdo javë mund të rrisë rrezikun e presionit të lartë të gjakut. Për të hetuar, Fontana dhe kolegët e tij filluan të hetojnë efektet e konsumit të patates në vdekshmëri, për të cilën ata besonin se nuk ishin studiuar në thellësi. Gjetjet e tyre u botuan së fundmi në ‘The American Journal of Clinical Nutrition’.

Studimi përfshiu të dhëna nga 4,440 të rritur që morën pjesë në një studim të osteoartritit, të moshës midis 45 dhe 79 vjeç në fazat e hershme të studimit dhe u ndoqën mesatarisht 8 vjet. Të gjithë duhej të plotësonin një pyetësor për ushqimin dhe sa shpesh e hanin atë. Studiuesit përdorën këto të dhëna për të përcaktuar marrjen totale javore të patates, si dhe marrjen javore të patateve të skuqura apo jo. Gjatë ndjekjes 8-vjeçare, gjithsej 236 pjesëmarrës ndërruan jetë. Marrja totale e patates nuk ishte e lidhur me rrezikun e vdekshmërisë, sipas studiuesve, megjithatë, gjatë kryerjes së analizës së grupit, studiuesit zbuluan disa rezultate interesante.

Krahasuar me të rriturit që nuk hanin patate të skuqura, ata që hanin rreth dy deri në tre racione çdo javë kishin dy herë më shumë gjasa të vdisnin para kohe dhe ata që hanin më shumë se tre kishin edhe më shumë gjasa të rrisnin rrezikun. Studiuesit nuk gjetën asnjë lidhje midis marrjes së patateve të papjekura dhe rrezikut të vdekjes së parakohshme. Duke qenë se ky studim bazohet vetëm në vëzhgim, nuk mund të nxirren përfundime se si konsumimi i patateve të skuqura ndikon në rrezikun e vdekjes së parakohshme. Shkencëtarët megjithatë besojnë se gjetjet e tyre ofrojnë ushqim për mendime dhe kërkime të mëtejshme.