Konsumuesit e rregullt të cigareve janë të shumtë dhe shpesh është shumë e vështirë që të heqin dorë nga përdorimi i saj për arsye të ndryshme, por kryesorja sipas një studimi të realizuar së fundmi është shtimi në peshë. Dihet që konsumi i rregullt i cigareve ndikon në rënien në peshë, por kjo vjen bashkë me një sërë problemesh shëndetësore. Kur një individ e le cigaren, nis të shtojë kile, pasi ka shtim oreksi.
Megjithatë studiuesit shpjegojnë se kjo nuk duhet të kushtëzojë askënd. Pasi lini cigaren është koha e duhur për të humbur kile nëse i kombinoni me ushqim të mirë dhe ushtrime fizike të rregullta. Prandaj kijeni parasysh këtë këshillë, pasi benefitet nga lënia e saj janë më të mëdha se nga pirja. Pirja e duhanit është një nga shkaqet më të mëdha të vdekjeve dhe sëmundjeve.
Ky zakon mund të çojë në komplikime shëndetësore, por studimet e reja kanë sugjeruar se mund të ketë gjithashtu një ndikim negativ në marrëdhëniet tuaja. Sipas një studimi të mbi 2000 duhanpirësve, gjysma e tyre e fshihnin këtë zakon nga të dashurit e tyre. Por këto janë 5 hapat që do t’ju ndihmojnë të hiqni dorë nga cigarja.
Ndërkaq, Zelanda e Re ka ndaluar shitjen e duhanit për brezat e ardhshëm. Ministrja e Shëndetësisë Ayesha Verall deklaroi, se duan të sigurohen që të rinjtë mos të konsumojnë produktet e duhanit në të ardhmen. Profesori i Universitetit të Otagos Janet Hook mendon, që vendimi do ndikojë që të rinjtë të jenë më pak të varur nga nikotina dhe të mos konsumojnë produkte të dëmshme për organizmin.
