Aktorja hollivudiane Julia Roberts shkëlqeu në tapetin e kuq në Kanë dhe me buzëqeshjen e saj rrëzëllitëse ajo fitoi edhe njëherë vëmendjen e të gjithëve. Por si ta kemi buzëqeshjen e bardhë identike si të aktores? Ajo që e bën jashtëzakonisht magjepsëse Roberts është shkëlqimi që buron nga buzëqeshja e saj. Një shkëlqim pa asnjë defekt apo të metë.
Një shkëlqim tërheqës që thekson një tjetër element që e karakterizon, simetrinë e dhëmbëve të rreshtuar në mënyrë perfekte. Ndërsa shtrirja e përsosur e dhëmbëve mund të arrihet me përdorimin e aparateve ortodontike, shkëlqimi është një qëllim i arritshëm me një projekt të saktë që kërkon qëndrueshmëri, mjetet e duhura dhe mbështetjen e teknikave të sigurta të zbardhjes.
Gjesti i parë i domosdoshëm për shkëlqimin e dhëmbëve është higjiena orale. Larja e dhëmbëve pas çdo vakti dhe të paktën një herë në ditë është e vetmja metodë që lejon heqjen e plotë të pllakave. Eliminimi i tyre është i rëndësishëm jo vetëm sepse zbehin shkëlqimin, por është edhe një veprim parandalues themelor.
Nga furçat e dhëmbëve me lëvizje zanore të bëra nga silikoni mjekësor e deri te ritualet e reja të kompletuara me gjithçka që nevojitet për pastrim, bashkëpunëtorët e pastrimit të dhëmbëve janë gjithnjë e më inovativë dhe efektivë. Lajmet janë të dobishme për të bindur njerëzit që të bëjnë higjienë të mirë orale. Praktikat e mira ditore jo vetëm që ndihmojnë në zbulimin e shkëlqimit të dhëmbëve, por janë veprime parandaluese të pazëvendësueshme.
Në rastin e njollave të forta, të cilat janë gjithashtu rezistente ndaj pastrimit të vazhdueshëm dentistët ofrojnë zbardhjen e dhëmbëve. Përdoret një preparat me bazë 25% peroksid hidrogjeni dhe është i vetmi sistem që ju lejon të hiqni në mënyrë efektive elementët që ndryshojnë ngjyrën e smaltit.
Agjenti zbardhues depërton përmes tubulave dentinale, të cilat shtrihen brenda dhëmbit dhe shkatërron molekulat e pigmenteve të ngjyrosura, duke i bërë ato pa ngjyrë dhe duke tretur të gjitha llojet e njollave. Kjo metodë vepron vetëm në dhëmbë natyralë dhe nuk ka asnjë efekt në proteza dhe mbushje. Për më tepër, mund të kryhet në dy mënyra, në klinikën e dentistit ose në shtëpi.
Nuk duhet ngatërruar me seancën e pastrimit të dhëmbëve, që përfshin heqjen e gurëzave të dhëmbëve, procedura profesionale që eleminon zverdhjen, ç’ngjyrosjen dhe mungesën e shkëlqimit, kërkon një proces mjaft të shkurtër. Pas shpërndarjes së preparatit të xhelit në të gjithë sipërfaqen dentinale, zona vendoset nën një dritë LED që e bën atë aktive. Trajtimi zgjat një orë e gjysmë dhe pastaj ju mund të ktheheni në aktivitetet normale. Ndërsa në rastet kur zbardhjen doni ta bëni në shtëpi, dentisti ju jep një komplet që përmban xhel dhe maska speciale transparente.
Këto janë mbështetëse shumë të lehta për t’u vendosur në mbrëmje para gjumit dhe pas aplikimit të produktit. Ato duhet të mbahen në vend për të paktën 5-6 orë rresht dhe për një cikël prej 12-13 ditësh. Të nesërmen në mëngjes, pas shpëlarjes së gojës, këshillohet të prisni të paktën dy orë përpara se të konsumoni pije dhe ushqime që njollosin dhëmbët, si kafeja dhe boronicat, për shembull. Kjo ndodh sepse tubulat dentinale janë shumë të hapura dhe mund të strehojnë pigmente të padëshiruara, duke cënuar efektivitetin e trajtimit.