Nuk flet kot gjyshja, provoni çajin me bishta qershish nëse vuani nga këto probleme shëndetësore!

Të gjithë e dimë se muaji qershor është muaji i qershive. Të shumtë janë njerëzit që këtë frut e kanë edhe një nga më të preferuarat e tyre. Qershia ka origjinë aziatike, ndërsa në Evropë është përhapur rreth shekullit të dytë. Në Lindjen e Largët, sidomos në Japoni, pema e qershisë është shumë e përhapur dhe periudha e lulëzimit të saj është një nga më të bukurit e vitit.

I kishim pritur prej kohësh dhe tani që i gjejmë në çdo stendë të mundshme në treg, nuk mund të mos i shijojmë qershitë e para. Por nëse deri më tani i keni hedhur bishtat e tyre, pasi të lexoni këtë artikull nuk do e bëni më këtë gabim. Ndryshe nga ç’mund të mendoni bishtat e qershive janë një depo e vërtetë e vitaminave A, B1 dhe C.

Hulumtimet e ndryshme shkencore kanë provuar se çaji i bishtave të qershive ndihmon organizmin të shkrijë yndyrnat e tepërta, sidomos kur e shoqëroni me një jetë aktive. Shkencëtarët pranojnë pa asnjë mëdyshje se bishtat e qershive kanë efekt diuretik dhe si rrjedhojë largojnë lëngjet e tepërta nga organizmi dhe parandalojnë formimin e gurëve në veshka. Një tjetër karakteristikë e bishtave të qershive është parandalimi i problemeve të zemrës falë uljes së tensionit të gjakut.

Ajo që duhet të bëni është vetëm të ruani bishtat e qershive dhe t’i vloni në një tenxhere ku keni hedhur një gotë ujë. Këtë çaj mund ta pini edhe të ftohtë 2-3 herë gjatë ditës për aq kohë sa të ndiheni më mirë. Provojeni për një periudhe një-dy mujore dhe do të shihni përmirësim. Gjithashtu ai ul kolesterolin e keq në gjak, largon lëngjet e tepërta nga trupi, i bën mirë mëlçisë dhe parandalon infeksionet në traktin urinar.