Edhe pse shumë nuk mund të rezistojnë, një ‘llastim’ ndaj vetes pas darkës mund të kontribuojë në refluksin acidik, urthin, stomakun e rënduar ose thjesht gjumin e dobët nëse hani diçka të ëmbël menjëherë para gjumit Pas drekës ose darkës, zakonisht dëshirojmë disa ëmbëlsira.
Më së shumti është një rregull i pashkruar, që pasi kemi ngrënë vaktin kryesor, të shërbejmë një ëmbëlsirë. Megjithatë, a është kjo koha e duhur për të shtuar karbohidrate? Su-Elen Anderson-Haines, dietologe, thotë se:
Nevojiten rreth një deri në dy orë për të tretur karbohidratet. Nëse shtoni më shumë komponentë si proteina dhe yndyra, rritni kohën e tretjes. Shumica e ëmbëlsirave përmbajnë sasi të mëdha yndyrash dhe karbohidratesh.
Nëse ju është thënë ndonjëherë të prisni para se të hani një porcion tjetër ose të hani ëmbëlsirë, ka një arsye të bazuar në hulumtime, trurit i duhen rreth 20 minuta për të regjistruar ngopjen. Dietologia vijon:
Mund të duhet pak kohë që stomaku ynë të komunikojë me trurin tonë për të kuptuar se jemi të ngopur, por kjo nuk do të thotë se nuk mund të hani ëmbëlsirë menjëherë pas vaktit. Megjithatë, nëse shpesh nuk ndiheni mirë ose në siklet të ngopur pas ëmbëlsirës, këshillohet të prisni.
