Të heqësh dorë nga gjithçka për të jetuar në një furgon, çifti britanik i tha ‘PO’ kësaj aventure!

Një çift fotografësh vendosi të jetojë në një furgon të cilin e kanë krijuar vetë. Tom Ward, 36 vjeç dhe Amy O’Brien, 29 vjeçe, vendosën t’i largoheshin monotonisë dhe të udhëtonin nëpër Mbretërinë e Bashkuar me qenin e tyre, Frankie. Shtëpia e tyre e re e lëvizshme përbëhet nga një banjë, një tualet plehrash, një shtrat, një sobë me gaz, lavaman, frigorifer, kuzhinë dhe një dush në natyrë.

Fotografët shpenzuan një total prej 32,370 euro për furgonin e tyre, i cili përfshin sigurimin dhe taksën e rrugës për një vit. Tom dhe Amy thanë se ishin shumë me fat që punuan shumë dhe i kursyen paratë e tyre për të investuar në shtëpinë e tyre të re me rrota.

Çiftit iu deshën gjashtë muaj për të ndërtuar të gjithë automjetin. Amy, me origjinë nga Frome, Somerset, tha për Daily Mail:

Arrita në një pikë ku thjesht po punoja. Kam punuar në një vend ku ishte njësoj çdo ditë dhe njerëzit ankoheshin çdo ditë për të njëjtat gjëra. Kjo do të jetë jeta ime tanimë përgjithmonë. Jam shumë rehat dhe ndjehem shumë mirë këtu. 

Pra mesa duket jeta në furgon nuk është aq keq. Madje për disa persona kjo është edhe mënyra më e mirë për të kaluar ditën. Shembulli më i mirë është 28-vjeçarja Jasmine Wilson që jeton në një furgon edhe pse fiton 300,000 dollarë në vit. Në bllokimet e para të vitit 2020, Jasmine bleu një furgon dhe kaloi dy muaj duke e kthyer atë në një shtëpi.