Gjatë shtatzënisë është shumë e rëndësishme të hani fruta. Shega veçanërisht është fruti ideal, përmban rreth 40% të vitaminës C, gjë që mjafton të plotësojë nevojat ditore të të rriturve. Përveç vitaminës C, ajo përmban edhe acid folik, kalium, fibra, niacinë, vitaminë E dhe vitaminë A. Antioksidantët që gjenden te shega janë të dobishëm në luftimin e radikaleve të lira në trup. Krahasuar me frutat e tjera, si boronicat dhe rrushi, përmbajtja antioksiduese e shegës është më e lartë.
Çdo nënë e di se është shumë e rëndësishme që të kënaqë nevojat e fetusit duke zgjedhur ushqimin. Gjatë shtatzënisë, nëna është i vetmi person që mund ta ushqejë fëmijën e saj. Pjesa më e madhe e ushqimit dhe pijeve që nëna konsumon do të ndikojë edhe tek fëmija që po rritet në mitër. Prandaj, nëna duhet t’i kushtojë vëmendje asaj që konsumon gjatë shtatzënisë. Është e rëndësishme të zgjidhni ushqim dhe pije me vlera ushqyese dhe një prej tyre është padyshim shega.
Përmbajtja e acidit folik në shegë mund të parandalojë defektet e tubit nervor që shkaktojnë dëmtim të palcës kurrizore të fetusit. Përveç kësaj, acidi folik mund të parandalojë çarjen e buzës tek të porsalindurit. Jo vetëm që është e mrekullueshme për fëmijën, shega është e mirë edhe për nënën. Acidi folik dhe antioksidantët në shegë mund të stimulojnë dhe përmirësojnë pamjen e lëkurës së nënës së ardhshme.
Me përdorimin e shpeshtë të shegës do të plotësoni nevojat e fetusit dhe lëkura e nënës do të shkëlqejë. Për të rriturit, përfshirë gratë shtatzëna, rekomandohet të hanë një shegë në ditë ose të shtrydhin lëngun e një shege dhe ta pijnë atë. Shega dhe lëngu i saj bëjnë mrekulli për nivelet e hormoneve si testosteroni tek meshkujt dhe estrogjeni tek femrat. Testosteroni ndihmon në përmirësimin e humorit dhe kujtesës, thonë studiuesit.