Nëse ende nuk e keni një të tillë mendjen këtu! Vendet ku nuk duhet të bëni kurrë tatuazh!

Nëse jeni të apasionuar pas tatuazheve duhet të keni parasysh edhe disa rreziqe në lidhje me to. Tatuazhet me ngjyra mund të përmbajnë përbërës që janë shumë të dëmshëm për shëndetin dhe për këtë arsye, Bashkimi Evropian vendosi të rregullojë substancat që mund ose nuk mund të përdoren. Si rezultat, BE-ja ka ndaluar rreth 4000 substanca. Është thelbësore të rritet ndërgjegjësimi për përdorimin e duhur të tatuazheve dhe të dihet se në cilat zona të trupit nuk duhet të bëhen kurrë.

Edhe pse tatuazhet janë të sigurta, prania e tyre në pjesë të caktuara të trupit mund të rrezikojë seriozisht shëndetin tonë. Po kështu, duhet bërë në vende ku respektohen standardet e higjienës për të shmangur infeksionet, alergjitë apo plagët. Të bëni tatuazh në organet gjenitale është shumë e rrezikshme. Kjo zonë është shumë e ndjeshme dhe procesi është mjaft i dhimbshëm, por ka edhe një rrezik më të madh infektimi.

Duhen shmangur gjithashtu tatuazhet në zonat me nishane, sepse boja e tatuazhit e bën të pamundur të shihet nëse këto nishane janë normale apo jo. Nëse keni ndërmend të bëni një tatuazh brenda gojës duhet të dini se është një vend i lagësht dhe një strehë për të gjitha llojet e baktereve, ndaj rreziku i infektimit është i lartë.  Tatuazhet në sy përfshijnë injektimin e bojës direkt në të bardhën e syrit, gjë që mbart një rrezik shumë të lartë infeksioni, dëmtimi të pjesshëm apo edhe humbje të shikimit.

Ndërkaq, në shputën e këmbës shërimi është i ngadalshëm, i dhimbshëm dhe me një shkallë shumë të konsiderueshme rreziku për infeksion. Përveçse dhemb shumë, një tatuazh nën sqetulla nënkupton një rrezik më të madh infeksioni nëse vendosim të rruajmë sqetullën përpara se të shërohet siç duhet. Tendencat e tatuazheve kanë evoluar në shumë mënyra. Së pari, modelet e sotme shpesh janë shumë më të frymëzuara se ato që dikur ishin të gjithë njëlloj. Tatuazhet gjithashtu po fitojnë vazhdimisht popullaritet dhe miratim.