Do t’ju zgjojë nga gjumi më i thellë dhe jo vetëm, prezantohet kafeja më e fortë në botë!

Kompania “Biohazard Coffee”, me bazë në Nju-Jork, pretendon se ka bërë kafen më të fortë në botë. Më saktësisht, ata bënë një kafe që ka 928 mg kafeinë për filxhan 350 ml, që është dyfishi i dozës së rekomanduar të kafeinës për një të rritur, por edhe shumë më tepër se shumica e pijeve energjike në tregun botëror. Rekomandimi i ekspertëve mjekësorë është që të rriturit lejohen të pinë deri në 400 mg kafeinë në ditë, e cila, në varësi të llojit të kafesë që pini, mund të jetë diku nga dy deri në dhjetë filxhanë kafeje.

Një filxhan ekspres ka një përqindje më të lartë të kafeinës se kafeja e zakonshme, por në përgjithësi shërbehet në pjesë të vogla. Për krahasim, një filxhan ekspres 30 deri në 50 ml përmban rreth 30 deri në 60 mg kafeinë. Në paketimin e kafesë Biohazard, ka një paralajmërim se ka katër herë më shumë kafeinë se sa shërbejnë baristat në kafenetë e Nju Jorkut.

Ajo bazohet në një lloj kafeje të quajtur Robusta, e cila zakonisht ka një përqindje më të lartë të kafeinës dhe karakterizohet nga një shije pikante dheu. “Do t’ju zgjojë nga gjumi më i thellë dhe do t’ju shoqërojë në takimet më të vështira”. Një paketë 454 gramësh kafe e bluar Biohazard u shit në Amazon për 19,99 dollarë. Aktualisht nuk është në dispozicion për porosi.

Rezulton se kafja ka efekte negative, nëse pihet në të ftohtë. Në shumicën e rasteve, ne jemi më të ngrohtë se mjedisi që na rrethon dhe në këtë rast ne e largojmë të ngrohtin nga trupi. Kur është ftohtë, megjithëse trupi reagon duke u dridhur, gjeneron më shumë ngrohtësi. Pirja e një filxhani kafe, në ditë të ftohta shkakton urinim, sepse kafeina është diuretike.