Teatri “Gjysmë-jeta e Marie Curie” te Teatri i Metropolit Tiranë
Teatri Metropol ju fton në premierën “Gjysmë-jeta e Marie Curie”, nga autorja Lauren Gunderson dhe regji nga Armela Demaj.
PREMIERË – 29 Shkurt 2024
Intepretojnë: Yllka Mujo, Armela Demaj
Shfaqja “Gjysmë-jeta e Marie Curie” rrëfen historinë e forcës dhe rezistencës së dy grave të jashtëzakonshme shkencëtare, Marie Curie dhe Hertha Ayrton, të cilat ndanë një miqësi të thellë dhe një pasion për shkencën. Përballur me sfida të mëdha personale dhe profesionale, veçanërisht diskriminimin gjinor në një kohë kur gratë shkencëtare ishin të rralla, Curie dhe Ayrton demonstrojnë një guxim dhe një përkushtim të palëkundur ndaj punës së tyre.
Shfaqja, e shkruar me një tekst të pasur dhe emocional, shërben si një dritare në jetët e brendshme të këtyre dy figurave historike, duke na ofruar një pasqyrë të sfidave që kanë përballur dhe ecurisë që kanë arritur pavarësisht pengesave. Përmes dialogjeve të fuqishme dhe skenave të ndjeshme, “Gjysmë-jeta e Marie Curie” rrëfen historinë e tyre të jashtëzakonshme, duke theksuar rëndësinë e miqësisë, mbështetjes dhe respektit të ndërsjellë në arritjen e qëllimeve të tyre.
DITA / ORA
(E enjte) 19:00
VENDI
Teatri Metropol
Rruga Ded Gjo Luli