![](https://timeouttirana.al/wp-content/uploads/2024/07/450356659_909644221205787_9039179459484790941_n.jpg)
Drejtoria e Përgjithshme e Arkivave (DPA) ka kënaqësinë t’ju ftojë në shfaqjen e filmit “Lulëkuqe mbi mure”.
Të martën, më 16 korrik 2024 , ora 20:00
, në Teatrin dhe Kinemanë Verore pranë DPA-së do të shfaqet filmi i tretë në radhë kushtuar Luftës Nacionalçlirimtare, në kuadrin e një sezoni të ngjeshur artistik, i cili përmes kinematografisë synon t’i njohë të rinjtë me të shkuarën e vendit.
“Lulëkuqe mbi mure”, realizimi i regjisorit Dhimitër Anagnosti më 1976-n dhe i restauruar së fundmi nga Arkivi Qendror Shtetëror i Filmit (AQSHF), bën pjesë në repertorin e filmave të përzgjedhur për t’u shfaqur në Teatrin dhe Kinemanë Verore pranë DPA-së, me rastin e Vitit Mbarëkombëtar të 80-vjetorit të Çlirimit.
Jetësimi i kësaj nisme vjen në sajë të bashkëpunimit të DPA-së me Ministrinë e Ekonomisë, Kulturës dhe Inovacionit (MEKI) dhe AQSHF-në.