E dini se cili është pozicioni i duhur për të fjetur që të shihni ëndrra të bukura?!

Nëse je një person që zgjohet në mes të natës sepse ke parë një makth, atëherë të sugjerojmë që të ndryshosh pozicion. Por cili është pozicioni i duhur për të fjetur më mirë dhe për të pasur një gjumë të rehatshëm? Zbulojeni më poshtë…

Fjetja në anën e majtë

Sipas një studimi të bërë nga Universiteti Yuzuncu Yil, ata që flenë në anën e majtë shikojnë më shumë ëndrra të këqija se sa njerëzit që flenë në anën e djathtë. Në studimin e realizuar nga Dr. Mehmet Yucel Agargun u përfshinë 60 persona të shëndetshëm fizikisht dhe mendërisht. Ata zbuluan se personat që flinin në anën e majtë shikonin më shumë mankthe gjatë natës. Sipas kësaj teorie, fjetja në çdo anë shkakton një disbalancë, por ana e majtë shfaq më shumë emocione dhe ndjenja pasigurie, që sipas mjekësisë tradicionale kineze janë të lidhura më shumë me cilësitë e femrave.

Fjetja përmbys

Sipas një studimi të fundit të kryer nga Dr. Calvin Kai-Ching Yu, të Universitetit Shue Yan të Hong-Kong-ut, ku u përfshinë 670 të rritur, njerëzit që flinin përmbys shikonin ëndrra pozitive dhe më emocionale. Fjetja përmbys shkakton një rreze të gjerë ëndrrash pozitive, duke filluar nga Ufo-t deri te të ecurit vërdallë pa rroba. Të zakonshme janë edhe ëndrrat që kanë lidhje me dashurinë, takimet me personat e famshëm deri te ëndrrat erotike. Megjithatë, fjetja përmbys është shumë e rrallë, sepse njerëzit zakonisht flenë në anën e djathtë ose me kurriz.

Fjetja me kurriz

Shpesh, njerëzit që flenë me kurriz, e vendosin kokën mbi jastëk në një kënd të parehatshëm dhe si rrjedhojë ata gërhasin më shumë. Gjithashtu, ata që flenë me kurriz lëvizin më shumë, prandaj edhe ëndrrat që shikojnë janë shpesh të ngatërruara dhe të paparashikueshme.