Shoqëria jonë është mësuar me disa rregulla që duhen zbatuar për të qenë në një martesë të lumtur. Mirëpo, disa psikologë thonë se janë krijuar shumë mite, të cilat në të vërtetë ndërhyjnë në një marrëdhënie të ekuilibruar. Në këtë artikull do të mund të lexoni disa mite rreth martesës që është më mirë që t’i injoroni që tani:
1.Bashkëshorti duhet të jetë miku juaj më i mirë dhe duhet të ketë një marrëveshje mes ju të dyve.
Disa studime tregojnë se marrëdhëniet e ngushta ndikojnë në sensin tonë të mirëqenies. Mund të ekzistojnë mënyra të ndryshme të lidhjes për një çift. Por akoma, terapistët thonë se nuk ekziston një rregull i tillë që thotë se partneri duhet të jetë shoku juaj më i mirë ose një person i cili fjalë për fjalë e di gjithçka që po ndodh me ju. Është në rregull të kesh pak kohë për thashetheme me shoqen tënde të fëmijërisë, në vend të bashkëshortit. Ju duhet të keni marrëdhënien që të dy dëshironi dhe besoni se është e shëndetshme.
2.Të punosh shumë në një marrëdhënie do të thotë që je me personin e gabuar.
Nëse martesa juaj nuk është një përrallë, është krejt normale. Një marrëdhënie është një udhëtim dhe nëse një çift është së bashku për një kohë të gjatë dhe janë ende të lumtur, do të thotë se ka pasur shumë punë në të. Një marrëdhënie është më e vështirë ta mbani sesa ta krijoni, prandaj duhet shumë punë.
3.Martesa është qëllimi i jetës suaj.
Marrëdhëniet nuk mund t’ju ndihmojnë të gjeni veten ose të jeni vetvetja. Nëse jeni në depresion, duhet të gjeni rrënjën e problemit dhe të mbani mend se martesa nuk mund ta rregullojë atë. Por gjëja që mund të bëni është të zhvilloni aftësi të shëndetshme të komunikimit.
Ndërkaq, një juriste nga Atlanta e SHBA-së me eksperiencë të madhe në çështje divorcesh, ka përmendur pesë profesionet e meshkujve, të cilët më së shpeshti shkojnë në divorc edhe pas krijimit të familjes, sipas statistikave. Katie K.Leonard arriti të bëhej virale me një video ku prezanton pesë profesionet e meshkujve që është vërtetuar se dëmtojnë rëndë martesën dhe numërojnë shumicën e divorceve.