Nëse keni probleme me djersitjen e duarve këtë sezon hidhini një sy këtij artikulli!

Djersitja, sidomos ajo e duarve është gjithmonë e sikletshme, veçanërisht në rastet kur duhet të nxjerrësh në pah anën më të mirë të vetes. Sikleti më i madh është kur duhet t’i shtrëngosh dorën dikujt dhe të duket e pamundur dhe e frikshme. Shumica e njerëzve përballen me djersitje të duarve gjatë situatave stresuese, aktiviteteve të rënduara fizike ose temperaturave të larta. Në këto situata, gjendrat e djersës çlirojnë më shumë nxehtësi që përcillet nëpërmjet lëkurës.

Për disa njerëz, djersa është e pamundur të kontrollohet. Termi mjekësor i kësaj simptome është Palmar Hiperhidrosis. Mjekët janë të mendimit se djersitja e tepërt shkaktohet nga sistemi hiperaktiv nervor i cili është përgjegjës për çlirimin e adrenalinës, ritmeve të zemrës, ngushtimit të enëve të gjakut dhe djersës. Me fjalë të thjeshta, kjo simptomë shkaktohet nga një çrregullim i pashpjegueshëm në sistemin nervor.

Uthulla ka aciditet të lartë dhe ndihmon në shkatërrimin e baktereve që strehohen në pëllëmbët e duarve dhe në këmbë. Ajo ka një efekt përtharës tek duart dhe këmbët. Tretni 4-5 lugë gjelle uthull molle në një enë me ujë të ngrohtë dhe fusni duart ose këmbët. Mbajini aty për 15 deri në 30 minuta në ditë. Nëse nuk ju pëlqen idea e uthullës, atëherë futini duart ose këmbët në një legen ose tas të mbushur me çaj. Çaji largon bakteret dhe ngushton poret në mënyrë që ju të djersisni më pak.

Përdorni 3-4 bustina të çajit të zi dhe zhytini në ujë të nxehtë. Kur uji të jetë ftohutr mjaftueshëm atëherë përdoreni për këmbët dhe duart. Soda e bukës ndihmon të ekuilibrojë pehashin e këmbëve dhe pëllëmbëve të duarve. Ajo pakëson djersën dhe aromën e keqe të këmbëve. Shkrini 4-5 lugë gjelle sodë buke në një legen të vogël me ujë të ngrohtë dhe më pas mbajini duart ose këmbët aty për 15 deri në 30 minuta. Pudrosja e duarve ose këmbëve me niseshte misri ka efekt përtharës. Përdoreni niseshtenë njësoj si pudrën. Nuk po ju bëjnë sytë.

Vaji i arrës së kokosit ndalon djersën dhe ushqen lëkurën e duarve. Vaji largon bakteret që shkaktojnë djersitjen dhe aromën e pakëndshme. Aplikoni një sasi të vogël të vajit të arrës së kokosit në zonat e djersitura. Bëjeni këtë pas dushit. Leckat e lagura me përmbajtje alkolike mund të fshijnë djersën dhe ngushtojnë poret përkohësisht. Kjo teknikë ju vjen në ndihmë në raste të veçanta në aktivitet kur duhet të takoni njerëz. Çaji i sherebelës është i mirë kundër djersitjes së duarve sepse përmban acid tannik që ka aftësi shtrënguese. Pini çaj sherebele dhe sa më shumë ujë që të ulni temperaturën e trupit dhe të ngadalësoni djersitjen.