Në qendër të ekosistemit të modës është Clara Cornet, kreu i partneriteteve strategjike të modës dhe bukurisë në Instagram. Me më shumë se një dekadë përvojë si blerëse e modës luksoze dhe drejtoreshë krijuese, tregimi vizual është bërë aftësia e saj më e mprehtë. Këtu, estetja dhe mentorja e stilistëve në zhvillim flet me Kara Kia për fuqinë e një komuniteti krijues dhe ndan këshillat e saj kryesore për stilin e shkëlqyer.
Dizajni shkatërrues është i ngulitur në ADN-në e Clara Cornet. E lindur dhe e rritur në Paris, fëmijëria e saj ishte e mbushur me një vlerësim të thellë të stilistëve japonezë – me Commes des Garçons që shfaqej rregullisht në veshjet e prindërve të saj. Nga apartamenti i saj parizian, me një pasqyrë të Ultrafragola në sfond, Cornet thotë:
Kjo duhet të ketë pasur njëfarë ndikimi në dashurinë time për modën dhe dizajnin. Isha shumë me fat që munda të udhëtoja gjatë gjithë jetës dhe karrierës sime dhe të frymëzohesha nga shumë krijues të ndryshëm që kam takuar nëpër botë, të cilët më kanë ndihmuar të përmirësoj edhe më tej syrin tim. Unë i admiroj njerëzit që më kanë bërë të kuptoj më thellë pasionin që lidhet me nxjerrjen e një produkti në botë dhe tregimin që lidhet me të pasurit një markë.
Që kur iu bashkua Instagramit, Cornet është bërë një lidhje midis stilistëve në zhvillim dhe pritshmërive të audiencës në zhvillim, duke luajtur një rol vendimtar në mbështetjen e krijuesve të rinj përmes sfidave me të cilat mund të përballen në industrinë e modës.
Instagrami ka mundësuar që moda të konsumohet dhe të ndahet globalisht dhe, më shumë se kurrë, të demokratizohet. Më parë, ishte një industri që njihej për të pasur një derë mjaft të mbyllur. Tani, industria e modës po përdor platformën për të ndërtuar marrëdhënie të drejtpërdrejta midis profesionistëve krijues, si dhe me fansat e modës. Po u mundëson njerëzve të gjejnë një larmi të madhe talentesh dhe të jenë në gjendje të nxisin ato bashkëpunime – dhe ky komunitet krijues më bën kaq të lumtur.
Përkushtimi i Cornet për të ushqyer gjeneratën e ardhshme të stilistëve nënkuptonte se ishte e domosdoshme që ajo të festonte iniciativën ‘The Vanguard’ të NET-A-PORTER në këtë fotosesion.
Zgjodha stilistët Lukhanyo Mdingi, Peter Do, Conner Ives dhe Cecilie Bahnsen sepse me të vërtetë e admiroj punën e tyre dhe mënyrën se si ata kanë mposhtur zhurmën për të krijuar marka që qëndrojnë më vete – secila me vizionin e vet unik. Doja të vishja katër marka që ishin shumë të ndryshme dhe që ishin në gjendje të shfrytëzonin mesazhet e tyre për t’u vlerësuar si fitues dhe finalistë të çmimit LVMH.
Lexoni më poshtë për të zbuluar më shumë rreth këshillave më të mira të Cornet për stil të shkëlqyeshëm, lëkurë të shëndetshme dhe udhëtime të zgjuara…
Vishuni shkëlqyeshëm
Unë jam një person që i kushtin shumë rëndësi veshjeve. Kur më duhet të dukem e rregullt, por nuk kam shumë kohë, shkoj për një fustan të mrekullueshëm – ose një copë mëndafshi të derdhur nga Balenciaga, ose një fustan voluminoz nga Simone Rocha ose Cecilie Bahnsen. Më pëlqen gjithashtu një fustan lozonjar i thurur, si ai që kam veshur në këtë xhirim nga Lukhanyo Mdingi.
Komoditeti vjen i pari
Unë kam veshur këpucë të sheshta për një kohë të gjatë për shkak të backgroud-it tim të blerjeve; Unë eci shumë, bëj shumë ‘showroom’ dhe më pëlqen të jem rehat. Unë gjithmonë vesh të sheshta gjatë ditës, si një palë klasike nga The Row, por më pëlqen gjithashtu të mbështes gjeneratën e ardhshme të stilistëve të këpucëve, si By Far. Kur dua të vesh taka, e preferuara e të gjitha kohërave është Amina Muaddi. Ajo bën një nga format më magjepsëse të takave.
Kombinoni stilet
Një xhaketë sportive do t’ju bëjë të dukeni të rafinuar dhe të gatshëm për punë në një kohë të shkurtër. Ai që kam veshur për këtë xhirim është nga Peter Do – dhe është spektakolar. Më pëlqen gjithashtu një xhaketë sportive me përmasa të mëdha. Unë jam mjaft e imët, por mendoj se të bën të dallohesh menjëherë dhe të ndihesh pak më e freskët. Më pëlqen të kombinoj një xhaketë sportive për meshkuj me një veshje të thjeshtë. Mund të vishni një xhaketë sportive me një bluzë dhe xhinse dhe të dukeni menjëherë të rregullta.
Kujdesi ndaj lëkurës
Unë nuk mbaj shumë grim, por kujdesem mirë për lëkurën time, veçanërisht kur bëhet fjalë për hidratimin gjatë udhëtimeve. Unë rekomandoj që kushdo që udhëton dhe kushdo që është i vetëdijshëm për dëmtimin e diellit, të mbajë SPF teksa është në aeroplan. Unë përdor një SPF50. Kjo është një këshillë e dermatologut dhe nuk e di nëse ajo ishte vetëm duke qeshur duke më thënë këtë, por e bëj sepse ajo tha:
Ti je edhe më afër diellit, nëse mendon për këtë.
Është gjithashtu e detyrueshme që unë të udhëtoj me kremin Dr. Barbara Sturm Mini Sun Drops SPF50 dhe Hidrating Face Mist, në çantën time të dorës.
Llastojeni veten
Për shkak se isha shtatzënë gjatë pandemisë, nuk ishte koha më e mirë për të blerë veshje të reja. Por e gjeta veten duke blerë shumë bizhuteri të modës, veçanërisht nga markat në pronësi të femrave. Më sjell gëzim të madh, është një çmim më i përballueshëm dhe është një blerje shumë intime – sepse është e përshtatshme ndaj lëkurës sime, kështu që ndihet shumë personale. Bizhuteritë e modës janë padyshim diçka drejt së cilës jam prirur kohët e fundit, veçanërisht aksesorët nga Alighieri – një markë çmimi i së cilës i lejon një gruaje të blejë diçka për vete pa pasur nevojë të presë për një përvjetor ose një rast të veçantë. Më duket shumë fuqizuese – të trajtoj veten pa pritur që një i dashur apo një e dashur ta blejë atë për mua.
