Është ajo kohë e vitit kur, edhe nëse është ende nxehtë gjatë ditës, ju duhet një shtresë shtesë në mbrëmje. Ka pak gjëra më të këqija sesa të kapesh i papërgatitur kur perëndon dielli dhe gjaku yt kthehet në akull të ftohtë. Ne kemi gjetur disa nga xhaketat më të mira të lehta (epo, katër xhaketa dhe një jelek) për t’i blerë tani dhe për t’i veshur kur bie nata.
1.Xhaketa për ta veshur në plazh
Është e rëndësishme që në javët e fundit të verës të hani sa më shumë nga darkat tuaja në afresk. Nëse mund ta bëni këtë në një plazh, aq më mirë. Edhe në klimat më të ngrohta, mbrëmjet e kaluara pranë dallgëve dhe flladit të kripur mund t’jua ‘bëjnë mishin kokërr’, ndaj merrni me vete një xhaketë najloni, si kjo nga C.P. Company, për të bllokuar erën dhe për t’ju mbajtur ngrohtë deri sa të vijë pjata e ëmbëlsirës.
2. Xhaketa e festave nga mëngjesi në darkë
Miqtë tuaj kanë ftuar disa njerëz për të pirë diçka një ditë në kopsht dhe ndoshta dhe për të konsumuar diçka. Shanset janë që do të zgjasë deri në mbrëmje, kështu që do të ishte zgjedhje e zgjuar të kishit në dorë një xhaketë të përditshme Carhartt WIP (ose të ngjashme me të). Kjo lloj veshje e sipërme kombinohet pa problem me veshjet e ditës si pantallona të shkurtra të gjera dhe shapka.
3. Xaketa për ta veshur në një takim
Ju keni rezervuar një tavolinë jashtë në një restorant luksoz për takimin tuaj romantik. Mos e prishni atmosferën me buzët e plasura nga i ftohyi sapo të bjerë nata. Qëndroni ngrohtë me një xhaketë kamoshi të hollë blu të hapur. Ky përsëritje klasike nga TOM FORD do të funksionojë mirë. Duket mahnitëse mbi një këmishë me printe dhe një palë pantallona elegante. Nëse partnerja juaj po ndjen të ftohtë, do të fitoni disa pikë plus nëse i jepni xhaketën tuaj. Vetëm sigurohuni që ta merrni përsëri në fund të mbrëmjes.
4. Xhaketa për ta veshur pranë zjarrit të kampit
Çfarë mënyrë më të mirë ka për të shijuar ditët e verës sesa me një vend kampingu me miqtë? Pasi të keni ngritur tendën dhe të keni ndezur zjarrin, do t’ju duhen disa shtresa për të mbajtur veten ngrohtë me këtë xhaketë Brunello Cucinelli.
5. Xhaketa xhinse për në club
Ne e dimë që nuk duhet të qëndroni në radhë për të hyrë në një club, por vetëm në rast se jeni duke kaluar një natë pushimi, sigurohuni që të keni diçka për t’ju mbajtur ngrohtë përpara se të dilni në pistën e vallëzimit. Gucci jua ka gjetur zgjidhjen me këtë xhaketë xhins të zbukuruar me logo, e cila është edhe e guximshme dhe klasike në të njëjtën kohë.
