Ashtu si temperatura e një të rrituri edhe temperatura e një foshnjeje mund të luhatet pak në varësi të disa faktorëve si koha gjatë ditës, aktiviteti, etj. Në përgjithësi, temperatura e një fëmije duhet të jetë midis 36.5°C dhe 37.5°C, kur matet me një termometër oral. Por kjo mënyrë e matjes së temperaturës te foshnjat nuk është e saktë pasi ata nuk mund ta mbajnë termometrin nën gjuhën e tyre. Kur merret me një termometër në zorrën e trashë, temperatura e foshnjës duhet të jetë rreth 37.6°C.
Matja e temperaturës së foshnjës nën krah është një metodë tjetër e përdorur zakonisht që është më e lehtë, por akoma më pak e saktë se një temperaturë rektale. Temperatura në krah zakonisht është pak më e ulët se temperatura rektale. Nëse temperatura e fëmijës suaj zbret nën 36.5°C, ata konsiderohen të kenë hipotermi ose temperaturë të ulët të trupit. Një temperaturë e ulët e trupit tek foshnjat mund të jetë e rrezikshme dhe ndonëse e rrallë, mund të çojë në vdekje.
Cilat janë simptomat e tjera të temperaturës së ulët të trupit tek foshnjat? Përveç një temperature të ulët të trupit, simptomat e tjera të hipotermisë te foshnjat përfshijnë përgjumje, qajnë me zë të dobët, lëkurë e zbehtë, e ftohtë, probleme të frymëmarrjes. Çfarë e shkakton temperaturën e ulët tek foshnjat? Foshnjet e lindura në më pak se 28 javë të shtatzanisë kanë rrezikun më të lartë të zhvillimit të hipotermisë. Pesha e ulët e lindjes është një tjetër faktor rreziku.
Foshnjet që janë 3.3 kilogramë ose më pak kanë 30 deri 78% më shumë gjasa për të zhvilluar hipotermi menjëherë pas lindjes se sa foshnjat me një peshë më të lartë lindjeje. Bebet e humbasin nxehtësinë më shpejt se të rriturit. Nëse vëreni ndonjë nga simptomat e hipotermisë tek foshnjat si frymëmarrja e shpejtë ose e vështirë, lëkura e zbehtë, letargjia ose mungesa e interesit në ngrënie, përpiquni të rritni temperaturën e foshnjës me veshje shtesë dhe lëngje të ngrohta dhe menjëherë kërkoni ndihmë mjekësore.
