Nga hajmalitë moderne të Jacquie Aiche deri te krijimet verbuese nga argjendari i famshëm, Greg Yüna, lexoni më shumë në këtë artikull dhe mos harroni të mbani sytë hapur pasi më shumë modele do të vijnë gjatë dy javëve të ardhshme.
1.Byzylyk nga Jacquie Aiche
Koleksionet e Jacquie Aiche janë frymëzuar nga rrënjët e saj vendase amerikane dhe egjiptiane. Ky byzylyk prej argjendi me gurë shumëngjyrësh, sigurisht që do t’i shtojë një pikë interesi çdo pamjeje.
2.Gjerdani me rruaza MAOR
Gjerdani i MAOR është një mënyrë elegante për t’i shtuar një prekje delikate ngjyrave neutrale të veshjes suaj. Tonet e ftohta të rruazave të agatit, së bashku me theksin e arit dhe diamantit, do të funksionojnë mirë me pothuajse çdo gjë në gardërobën tuaj.
3.Byzylyk GREG YUNA
Argjendari i famshëm, Greg Yüna, është i vendosur në zemër të lagjes së diamantit të Manhatan-it, ku ai krijon pjesë të guximshme dhe numëron këdo nga Drake te Lil Yatchy dhe Shy Glizzy në mesin e fansave të tij. Ky model bashkëkohor i byzylykut është një shembull i mrekullueshëm i stilit të tij të veçantë. Ai është bërë nga ari i bardhë dhe safirët blu në prerje të ndryshme, secili i mbështjellë me diamante pavé.
4.Gjerdani POLITE WORLDWIDE®
Adhuruesit e The Simpsons me siguri do ta pëlqejnë gjerdanin e POLITE WORLDWIDE®. Zinxhiri me ngjyrë argjendi, i bërë nga lidhje të ndryshme të lëmuara dhe me teksturë, është i lidhur me një varëse të zbukuruar me kristal që të kujton serialin ikonik të animuar televiziv.
5.Byrzylyk me rruaza Luis Morais
Byzylykët me rruaza janë ato që Luis Morais i bën më së miri, kështu që ne nuk mund të mos përfshinim një që i drejtohet flamurit amerikan. I lidhur me rruaza blu dhe të kuqe, ai është i përqendruar nga një shirit ari i inkorporuar me një yje me pesë pika dhe kanale diamanti të bardhë.
