Duhet apo nuk duhet bërë një listë dhuratash se çfarë duam për festat e fundvitit…

Anja Dervishi
24/11/2022

Ndoshta nuk e keni menduar kaq shumë, por ka disa rregulla të mirësjelljes kur bëhet fjalë për krijimin dhe ndarjen e një liste dëshirash. Në fund të fundit, ne nuk jemi të gjithë ‘fëmijë të këqij’, duke futur listat e dhuratave që duam nga Babagjyshi në duart e lodhura të prindërve tanë. Disa prej nesh madje mund të ndihen paksa jo komodë duke përpiluar një përzgjedhje dhuratash që duam që njerëzit e tjerë t’i blejnë për ne. Nëse akti i dhurimit është menduar të jetë personal dhe intim, një gjest i vërtetë dhe madhështor nga ana e dhuratëdhënësit, a është në të vërtetë shumë e pasjellshme bërja e një liste?

Faleminderit Zotit, përgjigja është jo. Sipas zotit William Hanson, ekspert i mirësjelljes me bazë në Londër, ofrimi i listave të dhuratave për të dashurit tanë është një praktikë krejtësisht e pranueshme. Ai thotë:

Listat e Krishtlindjeve e bëjnë jetën shumë më të lehtë. Sidomos për ata që janë të vështirë që t’u blesh diçka që t’u pëlqejë. Por, nuk është e sjellshme t’u jepni listën tuaj nëse nuk ju kërkohet.

Listat e dëshirave, sipas Hanson, duhet të sigurohen vetëm kur kërkohet nga dhuruesi i mundshëm, dhe nuk konsiderohet si një fakt i kryer në fillim të sezonit të festave. Eksperti vijon:

Përpiloni atë në çdo mënyrë, por ju lutemi prisni derisa familjarët ose miqtë të kërkojnë ide ose nëse keni një listë.

Është gjithashtu mirë dhe e drejtë të mbani në mend se kujt po i jepni një listë dhe cili mund të jetë buxheti i tyre.

Nëse ata të gjithë mund të përballojnë marka Balenciaga, mjaft mirë, ndihuni të lirë. Por është mirë të kesh pak larmi në listën tënde, vetëm në rast se blerësi duhet të kursejë këtë vit (ose, më mirë akoma, dëshiron të paguajë). Nëse ka një gjë shumë të kushtueshme që dëshironi, ndoshta diçka që është më e përshtatshme që ta merrni dhuratë nga të dashurit tuaj, atëherë nuk ka nevojë ta vendosni në listë. Ju duhet të jeni në gjendje t’u jepni atyre një sugjerim mjaft të madh personalisht… Ose ata duhet ta dinë tashmë.

Më në fund, në të gjitha çështjet e marrjes së dhuratave, mënyra e të sjellurit ka rëndësi. Shënimet e falenderimeve kanë dalë nga moda dhe është një gabim i jashtëzakonshëm, sepse kur dikush mendon mjaftueshëm për ju për t’ju blerë një dhuratë, duhet të thoni gjithmonë faleminderit. Hanson thekson rëndësinë e falenderimit në letër kur të vijë koha.

Një mesazh i shkruar me dorë do të ketë më shumë ndikim dhe mirënjohje sesa një tekst që keni shkruar ndërsa jeni shtrirë në shtrat duke kafshuar thonjtë tuaj. Dhe nëse keni marrë dhuratë një Balenciaga, disa rreshta në një kartolinë falenderimi është më e pakta që mund të bëni.

Më shumë