Mjafton një telefonatë 8-minutëshe duke u rilidhur me një mik apo mikeshë me të cilin kishit humbur kontaktet prej disa kohësh dhe, pas asaj telefonate, do të ndiheni shumë më mirë se më parë. Kjo konfirmohet nga gazetarja e “New York Times”, Jancee Dunn, e cila u përpoq të vinte në praktikë mësimet e Dr. Bob Waldinger, profesor i psikiatrisë në Kolegjin Mjekësor të Harvardit dhe autor i librit të ri elektronik “The Good Life: Classes From the World’s Longest Scientific Study of Happiness”.
Sipas Waldinger, shumica e njerëzve të zënë me punë e angazhime të ndryshme janë të prirur të supozojnë se në një të ardhme të papërcaktuar do të kenë kohë të lirë për të takuar miqtë e vjetër. Por, në realitet, kjo nuk do të ndodhë kurrë, kështu që këshilla është të merrni telefonin tuaj celular dhe të ndani pak kohë me ta që tani.
Jancee Dunn i dërgoi një mesazh një mikeshe ku i propozoi një telefonatë 8 minuta. Ato filluan të bisedonin, që nga familja e tyre, shëndeti, e deri tek miqtë e tyre të përbashkët. Jancee e mbylli telefonin, duke buzëqeshur dhe duke kënduar me vete.
Më kishte munguar Tina dhe nuk e kuptova derisa dëgjova zërin e saj. Gjithashtu u befasova se për sa shumë tema folëm. Lidhja jonë kishte qenë e përkohshme, por sigurisht që ishte e vërtetë.
Pra, ky është sugjerimi ynë për ju… Mendoni për një person që doni, dikë që ju mungon, dikush me të cilin do të dëshironit të kishit kontakte më të shpeshta. Dërgojini atij personi një mesazh të shkurtër me tekst duke pyetur nëse dëshiron të flasë për tetë minuta.
Sipas Waldinger, 8 minuta është një periudhë e shkurtër kohore, por e mjaftueshme për të bërë shumë dhe mjaft e gjatë për të shkaktuar të gjithë elementët, ndjesitë dhe emocionet e një lidhjeje. Po ashtu, një studim i vitit 2021 , i publikuar në “JAMA Psychiatry“, ku kanë marrë pjesë 240 persona, zbuloi se kur merrnin telefonata të shkurtra, disa herë në javë, nivelet e melankolisë, vetmisë dhe nervozizmit uleshin me shpejtësi.
