Kur vjen puna për të investuar në një pallto të re, këto janë stilet më të mira për t’u veshur tani dhe vitet në vijim.
Pallto me rrip në mes
Pavarësisht nëse është prej leshi, kashmiri ose një përzierje luksoze, palltoja me rrip është një opsion ideal dimëror që garantohet se do t’ju mbajë komod dhe do t’i lartësojë veshjet tuaja të përditshme. Forma e gjerë është e përshtatshme ndërsa rripi në bel mund të ofrojë një pamje më të relaksuar. Nuanca blu është jashtëzakonisht e gjithanshme.
Xhupi over size
Një xhup i fryrë është një zgjedhje e sigurt. Palltot me tegela janë perfekte për temperaturat nën zero dhe veçanërisht të dobishme për një fundjavë në mal. Xhupi ‘Timmy’ i Loro Pianës mund të vishet në ngjyrë kremi ose në ngjyrë deveje. Kombinojeni me një pulovër të thurur mirë për një pamje elegante. Versioni i Gucci-t është gjithashtu një opsion i mrekullueshëm.
GUCCI
£2,166.67
Pallto oversize
Një pallto me përmasa të mëdha rafinon menjëherë një veshje. Për një veshje që ruan elegancën e saj deri në mbrëmje, Saint Laurent dhe The Row ofrojnë opsione të bukura. Palltoja klasike e zezë, kashmiri e Saint Laurent ka shpatulla të ekzagjeruara të mbushura. Nga ana tjetër mund të shikoni edhe pallton ‘Callum’ e The Row.
Pallto prej leshi
Versioni i Chloé është perfekt për pulovrat e prera, xhinset me bel të lartë dhe çizmet ‘luftarake’. Përndryshe, palltoja e Toteme është e shkëlqyeshme kur jeni duke kryer punë ose duke u takuar me miqtë. Dhe për një pallto që mund ta vishni nga agimi deri në mbrëmje, shih Halfboy, do t’ju mbajë ngrohtë në një mbrëmje jashtë.
JOSEPH
£1,495.83
Pallto me ngjyra
Ditët me re kërkojnë një pallto shumëngjyrëshe për t’ju gjallëruar. Vishni pallton jeshile të Stella McCartney. Nëse jeni lozonjare, shihni pallton rozë ‘Osa’ të Bouguessa. Shkojnë shumë me pantallonat e gjera. Së fundmi, palltoja elegante me rrip e Christopher John Rogers kombinohet perfekt me një fustan mbrëmjeje.
