Shkencëtarët amerikanë kanë argumentuar së fundmi se telefonat inteligjentë pasqyrojnë botën personale të mikrobeve të pronarëve të tyre. Sipas një studimi të ri, më shumë se 80% e baktereve të zakonshme që përbëjnë “gjurmët e gishtërinjve” tonë personale bakteriale përfundojnë në ekranet e telefonave celularë.
Sendet e ndryshme personale, si telefonat celularë, mund të jenë të dobishëm për të gjurmuar përhapjen e baktereve. Ato pasqyrojnë mikrobiomën tonë personale, triliona mikroorganizma të ndryshëm që jetojnë në dhe në trupin tonë, thonë ekspertët. Është zbuluar se përdoruesit e celularëve prekin pajisjet e tyre mesatarisht 150 herë në ditë.
Studiuesit ekzaminuan ADN-në e mikrobeve të gjetura në gishtin tregues të pëllëmbës, si dhe ADN-në e mikrobeve të gjetura në ekranin e celularit të një grupi prej 17 vullnetarësh. Në 51 mostra u identifikuan gjithsej 7000 baktere të ndryshme. Mesatarisht, 22% e baktereve ndaheshin midis markerit dhe celularit. Rreth 82% e baktereve më të zakonshme të gjetura në gishtat e pjesëmarrësve u gjetën gjithashtu në telefonat e tyre.
Kjo është arsyeja pse ai mund të bëhet lehtësisht një bartës i koronavirusit ose në thelb i ndonjë virusi tjetër. Një pecetë e lagur me 70% alkool është gjithçka që na duhet për ta pastruar. Në shtëpi mund të përdorim edhe peceta për pastrimin e sipërfaqeve që përmbajnë zbardhues.
Është e rëndësishme të pastroni edhe kutinë e celularit dhe ta lini të thahet plotësisht përpara se ta rifusni. Duhet të kemi kujdes që të mos lëmë lagështi në vendet ku futen vidhat, porta e karikimit, e kufjeve, etj., por edhe në vendet ku mund të thyhet ekrani. Ndërsa për të kufizuar kontaktin me fytyrën tonë, mund të përdorim edhe kufje ose bluetooth për të folur.
