![](https://timeouttirana.al/wp-content/uploads/2023/12/LOUIS_VUITTON_mvc1-scaled-1.jpeg)
Marka luksoze e modës, Louis Vuitton, ka nxjerr së fundmi në shitje çizmet që imitojnë këmbën e një gruaje. Qëllimi i këtij edicioni të modës është të krijojë një iluzion optik dhe ato janë krijuar për të imituar këmbën e një gruaje. Çizmet mund të blihen në versione të shkurtra dhe të gjata, por kur bëhet fjalë për materialin, ato vijnë në dy ngjyra. Çmimi aktual i këtyre çizmeve në faqen zyrtare të Louis Vuitton është 2.470 dollarë amerikanë ose 2.279 euro.
![](https://telegrafi.com/wp-content/uploads/2023/12/louisfj-1130x635.jpg)
Influencuesja Isabelle Allain që ndiqet nga më shumë se 1.4 milion njerëz në rrjetet sociale, ndau entuziazmin e saj për këto çizme, duke thënë se i donte që në momentin që i pa në pasarelë. Megjithatë, ndjekësit e saj në përgjithësi nuk janë entuziastë për çizmet dhe shumica prej tyre mendojnë se janë shumë të shtrenjta.
![](https://telegrafi.com/wp-content/uploads/2023/12/cizme.jpg)
Për të kujtuar, çizmet nga koleksioni i ri Louis Vuitton janë vetëm disa nga dizajnet e pazakonta të modës së lartë në vitet e fundit. Edhe brand-et, si Balenciaga dhe MSCHF, kanë tërhequr vëmendjen me këpucët me çmime shumë të larta.