Nuk është një zog, por është një lloj avioni. Konkretisht, është një koncept inekzistent, por pa dyshim shumë i lezetshëm i quajtur ‘Sky Cruise’, një hotel fantastik qiellor me energji bërthamore. Videoja e detajuar mbresëlënëse vizualizon një anije të madhe ajrore, e cila supozohet se është projektuar për të strehuar mbi 5000 të ftuar në fluturime pothuajse pa ndalesë.
Krahas pamjeve madhështore të natyrës, duke përfshirë një vështrim nga afër të dritave veriore, ka gjëra në dukje të pafundme për të bërë, si restorante të bukura, një qendër tregtare gjigante, palestra, teatro, pishina, shërbime shëndetësore dhe mjekësore, hapësira eventesh dhe më shumë.
Një nga idetë madje thekson se të martohesh mbi retë do të ishte një mënyrë mjaft e mrekullueshme për të thënë “po”. Aeroplani konceptual duhet të ketë 20 motorë elektrikë, të fuqizuar vetëm nga një reaktor i vogël bërthamor që përdor reaksionin e shkrirjes shumë të kontrolluar dhe për shkak se nuk do të kishte nevojë të furnizohej me karburant, ai rrallë do të kishte nevojë të ulej.
Mysafirët do të fluturonin drejt dhe nga hoteli i lartë në qiell me avionë komercialë ose privatë dhe të gjitha riparimet do të bëheshin në ajër. Megjithatë, shumë komentues nxituan për të nxjerrë në pah të metat e dizajnit, jo më pak e rëndësishmja që shkrirja praktike bërthamore nuk ekziston ende. Dhe edhe nëse do të ndodhte, do të kishte sfida të tjera të mëdha inxhinierike për t’u kapërcyer.
Por e veçanta më e madhe nga të gjitha? Mendohet se dizajni kombinon tiparet e një aeroplani komercial, ndërsa ofron mishërimin e luksit. Duke parë se një avion komercial dhe luksi nuk i përkasin së njëjtës fjali, kjo e bën të pabesueshëm projektin.