Bëhet viral në TikTok, ky film po lë pa gjumë të gjithë ata që guxojnë ta shohin!

Anja Dervishi
03/08/2022

Një film horror tajvanez i titulluar “Incantation” është bërë befas një hit viral në TikTok, duke bërë që përdoruesit të sfidojnë njëri-tjetrin për të parë filmin e frikshëm. Me regji të Kevin Ko, filmi u publikua në Netflix në fillim të muajit që lamë pas dhe tregohet kryesisht përmes pamjeve të publikuara, të ngjashme me filmat si “The Blair Witch Project” dhe “REC”.

“Incantation”, i cili tashmë është bërë filmi horror me fitimet më të larta të të gjitha kohërave në Tajvan, që u shfaq në kinematë në vendin aziatik vitin e kaluar, flet për një grua që duhet të mbrojë vajzën e saj, pasi ajo mallkohet për thyerjen e një tabuje fetare. Filmi, i cili ka një vlerësim prej 63 % në Rotten Tomatoes, thuhet se ka grumbulluar më shumë se 10 milionë orë shikime në Netflix, ndërsa ky numër duket se do të shtohet me rritjen e trendit në TikTok.

Trendi nisi pasi njëri nga përdoruesit e rrjetit social, realizoi një video për filmin që tashmë është shikuar më shumë se 13 milionë herë. Në klip, ai thotë:

Nuk më intereson se sa i fortë mendoni se jeni, nuk ka asnjë mënyrë që ta shikoni gjithë filmin nga fillimi në fund pa anashkaluar të paktën një skenë, pa u trembur apo pa hequr shikimin, për shkak se sa të rënda këto skena janë. Ejani dhe më thoni se kam të drejtë pasi ta shikoni.

@notjustbored1214

1hr 16min 22sec was the hardest part for me to watch

♬ original sound – Notjustbored1214

Shumë përdorues në TikTok tani po sfidojnë veten dhe po përpiqen të shikojnë të gjithë filmin, i cili zgjat vetëm 1 orë e 51 minuta, pa anashkaluar asnjë skenë. Duke gjykuar nga reagimet, filmi i lë njerëzit mjaft të traumatizuar.

Më shumë