Instituti Italian i Kulturës ka kënaqësinë të bashkëpunojë me Akademinë e Shkencave të Tiranës në veprimtarinë Passione Dominant – një vështrim në veprat e muzikës së dhomës të Felice Lattuada të interpretuara nga Pirro Gjikondi, violinë dhe Eugenia Canale, piano, datë 14 Prill, ora 11:00.
Koncerti do të prezantojë regjistrimin e parë CD të Sonatave të Felice Lattuada për violinë dhe piano dhe 12 prelude për piano, rezultat i pesë viteve kërkime, studimi, koncertesh dhe regjistrimesh.
Publikimi i këtij projekti të paprecedentë nga shtëpia diskografike Da Vinci Classics synon të nxjerrë në dritë disa faqe të muzikës së dhomës së Felice Lattuada, të cilat kanë mbetur pjesërisht të harruara ose ndoshta të errësuara nga suksesi i madh që patën operat e kompozitorit.
Këngët që gjenden në CD-të që prezantojmë janë këto:
- Romancë pa fjalë për violinë dhe piano
- Sonatë për violinë dhe piano në re-maxhor
- Sonatë për violinë dhe piano në E minor
- 12 Prelude për piano
Romanca pa fjalë për violinë dhe piano, botuar nga botuesi M. Aromando në vitin 1930, përfaqëson një meditim të shkurtër dhe intim që kujton atë sens nostalgjik tashmë fuqishëm të pranishëm edhe në sonata dhe prelude. Duke mos pasur dëshmi të ekzekutimeve të tjera, ne e paraqesim atë në këtë projekt si ekzekutimin e parë modern dhe ndoshta edhe absolut.